فیصل آباد۔26اکتوبر(اے پی پی)وزیراعلیٰ عثمان بزدار آکھئے جو ہݨ جنوبی پنجاب دے سارے معاملات صوبہ جنوبی پنجاب سیکرٹریٹ نال ای حل تھیسن، وزیراعظم تیکھے مہنگائی دی چکی وچ پیٹھے عوام کیتے ریلیف پیکج دا اعلان کریسن، 80 ہزار لوکیں کوں نوکریاں ملسن۔ ملتان وچ میڈیا نال گالھ مہاڑ کریندے انھاں آکھیا جو تحریک انصاف جنوبی پنجاب دا انج صوبہ بݨاوݨ دا وعدہ کیتا ہا، صوبہ جنوبی پنجاب دا سیکرٹریٹ ٻݨ ڳئے، ہݨ اتھو دے سارے معاملات اتھاہیں حل تھیسن، سارے محکمیاں دے آپریشنز جنوبی پنجاب سیکرٹریٹ توں کیتے ویسن۔ انھاں دا آکھݨ ہا جو گھر گھر ونڄ تے کورونا ویکسی نیشن ملتان وچ شروع کرڈتی گئی اے ۔
