شارجہ۔29اکتوبر(اے پی پی) سرائیکی عوامی سنگت تے سرائیکی عوامی تریمت تحریک دے ہیٹھ 21 اکتوبر 2021 کوں خانپور ءچ ادا ملک اکبر دے ݙوجھا وَرھِیݨے تے تحریکی کٹھ تِھیا۔ ادا ملک اکبر جگر دے ٹرانسپلانٹ دے آخری مرحلے ءچ آخری ساہ تئیں وسیب دیاں پارتاں ݙیندے 26 ستمبر 2019 دی سویل کوں اللہ کو پیارے تھی ڳئےـ سرائیکی عوامی سنگت خانپور کٹورہ دے اڳواݨ ادا میاں عُثمان طاہر ، ادا ڄام الہی بخش لاڑ ، ادا نذر عباس ، ادا راݨا نعیم ، ادا ملک سجاد تے ٻئی سنگت دی ݙینہہ رات دی بَھڄ دُھرک نال تھیوݨ آلے ایں عظیم الشان تحریکی کٹھ ءچ رہبر سرائیکی عوامی تریمت تحریک ادی عابدہ بتول ، ادا نزیر لغاری ، ادا شاہد جتوئی ، ادا ظہور دھریجہ ، ادا جہانگیر مُخلص ، ادا راشد عزیز بُھٹہ، ادا شاہد عالم ، ادا مظہر سعید گوپانگ ، ادا اخلاق مزاری ، ادا سبطین تاج گوپانگ ، ادا خادم حسین مخفی ، ادا عبدالخالق اِچھا ، ادا رشید جراݨی ، ادا عمران لاڑ ، ادا اعجازالرحمٰن ، ادا مرید گھوٹیہ ، ادا ظفر خان بلوچ ، ادا اقبال جتوئی ، ادا مجاھد جتوئی ، ادا ڄام اسلم ، ادا میاں شہزاد سمر، ادا عبدالستار زائر ،ادا خلیل ابنِ بے رنگ ، ادا آصف دھریجہ ، ادا خلیل بلوچ ، ادا ملک گل محمد ، ادا ملک غلام محمد ، ادا ملک بلال ، ادا ملک فلک شیر ، ادا ملک تنزیل ، ادا ملک جمیل ، ادی یاسمین ملک ، ادی ممتاز ملک تے سرائیکی تحریک دے بھیݨیں ، بھراواں ادا ملک اکبر کوں بھر پور خراج عقدت پیش کرݨ دے نال نال سموری سنگت نے ہک واری ول عہد کیتا جو اساں صوبہ سرائیکستان سانگے ادا ملک اکبر دے مِشن کوں جاری رکھیسوں ، وسیب ، قوم تے اَمدݨ نسلیں دے حق سانگے چھیکڑی ساہ تئیں لڑسوں۔
