کابل۔2نومبر(اے پی پی)افغانستان دے دارالحکومت کابل اچ سردار محمد دائود خان ملٹری ہسپتال دے نال تھیوݨ آلے ݙو ٻم دھماکیاں اچ 19 بندے مر ڳین اتے 50 توں ودھ زخمی ہین۔ فرانسیسی خبر رساں ادارے موجب وزارت صحت دے ہک عہدیدار ݙساعے جو ہسپتال اچ فائرنق وی کیتی ڳئی اے اتے ہسپتال دے دروازے دے نال 2 دھماکے تھین۔ زخمیاں کوں کابل دے مختلف ہسپتالاں منتقل کرݙتا ڳئے۔ طالبان دے میڈیا ترجمان ݙسائے جو پہلا دھماکا ہسپتال دے گیٹ تے اتے ݙوڄھا ہسپتال دے نیڑے تھئے۔ افغان وزارت داخلہ دے ترجمان قاری سعید خوستی آکھیے جو طالبان حکومت تحقیقات شروع کر ݙتن، امدادی ٹیماں متحرک ہین بھل کہیں وی گروپ حالی تئیں انہاں دھماکیاں دی ذمہ داری نئیں منی۔
