اسلام آباد۔2نومبر(اے پی پی)وزیراعظم دے مشیر تجارت عبدالرازاق داؤد آکھے جو میک ان پاکستان پالیسی دے مثبت نتیجے آوݨ لڳ ڳین، سمارٹ فون ٻݨاوݨ آلی ڄڳ دی ݙوڄھی وݙی کمپنی شیاؤمی ائیر لنک کمیونیکیشن دے ڳانݙھے نال پاکستان اچ فون ٻݨیسی ۔ ہک بیان اچ انھاں آکھے جو ابتدائی طور تے ڈھائی توں 3 ملین موبائل فون سالانہ پاکستان اچ ٻݨسن، پیداواری سہولت قائد اعظم انڈسٹریل اسٹیٹ لہور اچ ݙتی ویسی ڄیڑھی جنوری 2022 اچ فعال تھی ویسی، ایں اقدام نال روزگار دے نویں 3 ہزار مواقع ملسن ۔
