دبئی۔4نومبر(اے پی پی)ٹی 20 ورلڈ کپ دے 34 ویں میچ اچ آسٹریلیا بنگلہ دیش کوں 8 وکٹاں توں ہرا ݙتے۔ دبئی اچ گروپ اے دے میچ اچ آسٹریلیا ٹاس جیت تے پہلے بنگلہ دیش کوں بیٹنگ ݙتی۔ 20 اووراں اچ بنگلہ دیشی ٹیم صرف 73 رنز ٻݨا تے آئوٹ تھی ڳئی۔ شمیم حسین سب تؤں ودھ 19 رنز ٻݨائن۔ محمد نعیم 17 اتے کپتان محمود اللہ 16 سکور کیتے۔ آسٹریلیا ولوں ایڈم زمپا 5 وکٹاں ڳھدن۔ مچل سٹارک اتے جوش ہیزل ووڈ 2،2 وکٹاں ڳھدن۔ ولدے اچ آسٹریلوی ٹیم اے ہدف صرف 2 وکٹاں ونڄا تے ستویں اوور اچ پورا کر ڳھدے۔ ڈیوڈ وارنر 18 اتے ایرون فنچ 40 رنز ٻݨائن۔
