اسلام آباد۔8نومبر (اے پی پی) پاکستان کرکٹ بورڈ آندے سال آسٹریلیا دے دورہ پاکستان دا شیڈول جاری کرݙتے۔ ترجمان ݙسیا جو 1998 دے بعد اے آسٹریلیا دا پاکستان دا پہلا دورہ ہوسی۔ انہاں ݙسیا جو مزمان ٹیم آندے سال مارچ اتے اپریل اچ پاکستان دا دورہ کریسی۔ آسٹریلوی ٹیم گرین شرٹس دے خلاف آپݨے دورے اچ ترائے ٹیسٹ، ترائے ون ڈے اتے ہک ٹی ٹونٹی بین الاقوامی میچ کھیݙسی۔ سیریز دا پہلا میچ ترائے مارچ کوں شروع تھیسی۔ باقی ݙو ٹیسٹ میچ 12 توں 16 مارچ تئیں راولپنڈی اتے تریجھا ٹیسٹ 21 توں 25 مارچ تئیں لہور اچ کھیڈیا ویسی۔ سیریز دے باقے چاریں وائٹ بال میچ لہور اچ کھیڈیے ویسن۔ اے میچ 29 مارچ توں 5 اپریل تئیں کھیڈیے ویسن۔
