لاہور۔16نومبر(اے پی پی)آئی سی سی ٹی ٹوئنٹی ورلڈ کپ اچ شاندار کارکردگی توں بعد پاکستانی شائقین کرکٹ کیتے خوشی دی وݙی خبر آئی اے جو آئی سی سی چیمپٹنر ٹرافی 2025 دی میزبانی پاکستان کریسی۔ ایں سانڳے پاکستان کرکٹ بورڈ (پی سی بی ) 2025 دی چیمپئنز ٹرافی دی میزبانی ملݨ تے مبارکباد دی پوسٹ شیئر کیتی اے۔ پی سی بی دے چیئرمین رمیز راجہ چیمپئنز ٹرافی دی میزبانی پاکستان کوں ملݨ تےٹویٹ کیتے جو اے وݙے ماݨ اتے خوشی دی ڳالھ اے جو پاکستان آئی سی سی چیمپئنز ٹرافی 2025 دی میزبانی کریسی۔ ایں خبر نال لکھاں پاکستانی شائقین، غیر ملکیاں اتے عالمی شائقین کوں چنڳی کرکٹ ݙیکھݨ کوں ملسی اتے ایونٹ ڄڳ کوں ساݙی ثقافت، کھیݙ دوستی اتے مہمان نوازی کوں ڄاݨݨ دا موقع ملسی۔
