اسلام آباد۔25نومبر(اے پی پی)وزیراعظم دے مشیر تجارت عبدالرزاق دائود آکھیے جو افریقہ اتے پاکستان دے ہکو ڄھیں فیدے اتے تجارتی سرگرمیاں ودھاوݨ سانڳے معاشی تعلقات ودھاوݨے ہوسن، ” لک افریقہ پالیسی ” دے تحت پہلے چار مہینے اچ ساݙی تجارت 21 فیصد ودھی اے۔ اے ڳالھ انہاں پاکستان افریقہ ٹریڈ ڈویلپمنٹ کانفرنس اینڈ سنگل کنٹری ایگزیبیشن نال خطاب کریندے آکھی ڄیڑھی 23 توں 25 نومبر 2021 تئیں نائیجریا اچ جاری رہی۔انہاں آکھیا جو افریقہ نال تجارتی سرگرمیاں ودھاوݨ دے وݙے مواقع ہین، حالی ݙوطرفہ تجارت دا حجم 3 ارب ڈالر دے نیڑے اے، حکومت پاکستان ” لک افریقہ پالیسی” دے تحت برآمدات اتے معاشی سرگرمیاں دے ودھارے کیتے موثر حکمت عملی اپنائی اے۔
