پاکستان اتے بنگلادیش وچال 2 میچاں دی ٹیسٹ سریز دا پہلا میچ جمعہ کوں شروع تھیسی

لاہور۔25نومبر(اے پی پی) پاکستان اتے بنگلادیش وچال 2 میچاں دی ٹیسٹ سریز دا پہلا میچ جمعہ کوں شروع تھیسی۔ اے میچ بنگلہ دیش دے شہر چٹاگانگ اچ سویلے 9 وڄے قومی شاہین اتے بنگال ٹائیگرز مقابل ہوسن۔ میچ کیتے ݙوہاں ٹیماں شیخ ظہور احمد سٹیڈیم اچ پریکٹس کیتی۔ ایں توں پہلے پاکستان 3 ٹی 20 میچز دی سیریز اچ میزبان ٹیم کوں وائٹ واش کر ݙتا ہا۔ ٹیست سیریز توں پہلے بنگلا دیشی ٹیم دے سٹار آل راؤنڈر شکیب الحسن ہمیسٹرنگ انجری پارون سیریز توں ٻاھرو تھی ڳین ڄݙاں جو چھوٹے فارمیٹ دے کپتان محمود اللہ وی ٹیسٹ کرکٹ توں ریٹائرمنٹ ڳھن ڳھدی اے۔