اسلام آباد۔26نومبر(اے پی پی)وفاقی وزیر صنعت و پیداوار مخدوم خسرو بختیار آکھیے جو کھاد دی بین الصوبائی ترسیل دے اعدادوشمار توں ظاہر تھیندے جو سندھ اچ ذخیرہ اندوزی کیتی گئی اے، حکومت سندھ یوریا ذخیرہ اندوزاں دے خلاف کارروائی اچ ناکام رہی، سندھ حکومت دی نا اہلی پاروں یوریا دی بلیک مارکیٹنگ تھئی اے۔ اے ڳالھ انہاں اپݨی اڳواݨی اچ روزانہ دی بنیاد تے یوریا کھاد دی ترسیل و فروخت دے اجلاس نال الیندے آکھی۔ اجلاس اچ فرٹیلائرز انڈسٹری رئیل ٹائم پورٹل نال تازہ ترین کھاد فراہمی دے اعداد وشمار پیش کیتن۔
