چٹا کانگ۔26نومبر(اے پی پی)لٹن داس اتے مشفیق الرحیم دی چنڳی بلے باززی پاروں چٹا گانگ ٹیسٹ اچ بنگلہ دیش پاکستان دے خلاف پہلے ݙینھ پہلی اننگز اچ 4 وکٹاں دے نقصان تے 253 رنز ٻݨا ڳھدن۔ بنگلہ دیش ولوں اوپنر شادمان اسلام اتے سیف حسن 14، 14 رن ٻݨا تے آئوٹ تھین۔ بنگلا دیشی کپتان مومن الحق 6 رن تے ول ڳین ڄݙاں جو نجم الحسن شنٹو 14 رنز ٻݨا تے وکٹ ݙتی اتے صرف 49 دے مجموعی سکور تے 4 بیٹسمین آئوٹ تھی ڳئے۔ بعد اچ آوݨ آلے مشفیق الرحیم اتے لٹن داس وکٹ تے ݙٹ ڳین۔ ڳھٹ سوڄھلے پاروں پہلی اننگز 5 اوور پہلے ہی مکا ݙتی ڳئی۔ لٹن داس 113 اتے مشفیق الرحیم 82 رنز نال ناٹ آئوٹ ہین۔ انہاں پنڄویں وکٹ تے ناقابل شکست 204 رنز دی شراکت داری ٻݨائی اے۔ پاکستان ولوں شاہین شاہ آفریدی، حسن علی، فہیم اشرف اتے ساجد خان ہک ہک کھیݙاڑی آؤٹ کیتے۔
