لاہور۔26نومبر(اے پی پی)قومی ٹیم دے سابق کپتان شاہد آفریدی دبئی ایکسپو 2020ء اچ سپورٹس سانڳے پنجاب حکومت دی نمائندگی کریسن۔ شاہد آفریدی محکمہ یوتھ افیئرز اینڈ سپورٹس پنجاب ولوں پنجاب حکومت دی نمائندگی کرݨ دی پیشکش قبول کر ڳھدی اے۔ شاہد آفریدی کھیݙاں اتے نینگراں دے معاملیاں تے محکمہ یوتھ افیئرز اینڈ سپورٹس پنجاب دے سفیر ہوسن۔ شاہد آفریدی 29 نومبر کوں دبئی ایکسپو اچ شرکت کریسن۔ دبئی ایکسپو اچ پورے ڄڳ توں وݙیاں سرمایہ کار کمپنیاں شرکت کرینداں پین۔
