چٹاگانگ۔29نومبر(اے پی پی)پاکستان دی بنگلہ دیش دے خلاف چٹاگانگ ٹیسٹ اچ پکڑ تکڑی تھی ڳئی اے، میچ دے چوتھے ݙینھ پاکستان 202 رنز دے پچھو بغیر کوئی وکٹ ونڄائے 109 رنز ٻݨا ڳھدن اتے جیتݨ کیتے صرف 93 رنز دی لوڑھ اے۔پاکستانی اوپنر عابد علی 56 اتے عبداللہ شفیق 53 رنز نال بیٹنگ کریندے پین۔ بنگلہ دیش اپݨی ݙوڄھی اننگ اچ 157 رنز تے آئوٹ تھی گئی ہئی۔ لٹن داس 59 سکور کیتن۔ شاہین شاہ آفریدی 5، ساجد خان 3، حسن علی ݙو وکٹاں ڳھدن۔ مشفق الرحیم 16، یاسر علی 8، مہدی حسن 11، نورالحسن 15، ابو جاوید، تیج الاسلام اتے عبادت حسین بغیر کوئی رن ٻݨائے پویلین ولین۔ بنگلہ دیش پہلی اننگز اچ 44 وادھو رنز پاروں پاکستان کوں جیتݨ کیتے 202 رنز دا ہدف ݙتے۔ میچ دے پنڄویں اتے چھیکڑی ݙینھ پاکستان کوں جیت کیتے 93 رنز دی لوڑھ اے۔
