اسلام آباد۔30نومبر (اے پی پی) وزیراعظم دے مشیر برائے تجارت عبدالرزاق داؤد آکھیا جو ایں سال جنوری توں اکتوبر 18.87 ملین موبائل فون پاکستان اچ ٻݨائے ڳئن۔ منگل کوں ہک بیان اچ انہاں آکھیا جو ایں سال دے ݙاہ مہینے اچ 7.93 ملین فور جی موبائل فون ٻݨائے ڳئن۔ 9.45 ملین موبائل فون درآمد کیتے ڳئن۔ انہاں آکھیا جو وزارت تجارت دی میک ان پاکستان پالیسی دے حوصلہ افزا نتیجے ملدے پئن۔ انہاں آکھیا جو موبائل فون مینو فیکچرنگ اچ پائیدار نمو ݙیکھݨ چاہندوں۔
