اسلام آباد۔1دسمبر (اے پی پی):وزیراعظم دے مشیر برائے تجارت عبدالرزاق داؤد آکھیے جو برآمدات ھک مہینے دی تاریخی اتلی سطح تے پڄ ڳئن، نومبراچ پاکستانی برآمدات اچ 33 فیصد ودھارا تھئے ، ٻدھ کوں ھک بیان اچ انہاں آکھیے جو نومبر اچ 2.903 ارب ڈالر دی کل برآمدات رہیاں جیڑھے جو گزریل سال نومبر اچ 2.174 ارب ڈالر ہن ۔ انہاں آکھیے جو نومبر اچ حکومت دا پاکستانی برآمدات دا ہدف 2.6 ارب ڈالر ہئی ۔ اڄوکے مالی سال دے پہلے پنج مہینے اچ برآمدات اچ 27 فیصد ودھارا تھئے ۔ انہاں آکھیے جو پنج مہینے وچ 12.365 ارب ڈالر دی برآمدات رہیاں ہن ۔
