اقوام متحدہ ۔2دسمبر (اے پی پی):اقوامِ متحدہ دی ایجنسی انٹرنیشنل ٹیلی کمیونیکیشن یونین آپݨی ھک رپورٹ اچ آکھیے جو پوری دنیا اچ انٹرنیٹ استعمال کرݨ آلے لوکاں دی تعداد اچ ودھارا تھئے لیکن ہݨ وی دنیا اچ 2 ارب 90 کروڑ لوک انٹرنیٹ دی سہولت توں محروم ہن ۔امریکی ذرائع ابلاغ موجب انٹرنیشنل ٹیلی کمیونیکیشن یونین دے سیکریٹری جنرل آپݨے ھک بیان اچ آکھیے جو دنیا دی ݙو تہائی آبادی آن لائن اے لیکن ہݨ وی ساریں تئیں اٹرنیٹ دی سہولت پڄاوݨ کیتے ٻہوں کجھ کرݨ باقی اے ، انہاں آکھیے جو ھک اندازے مطابق 2019 اچ دنیااچ چار ارب 10 کروڑ لوکاں کوں انٹرنیٹ دی سہولت میسر ہئی جیڑھی جو 2021 اچ ودھ تے چار ارب 90 کروڑ تئیں پڄ ڳئی اے اے خوش آئند امر اے البتہ ہݨ وی انٹرنیٹ استعمال کرݨ دی سہولت غیر مساوی اے۔ایجنسی دی رپورٹ دے مطابق جنہاں 2 ارب 90 کروڑ لوکاں کنے انٹرنیٹ دی سہولت موجود کائنی انہاں اچ 96 فی صد دا تعلق ترقی پذیر ملکاں توں ھے ۔انہاں مزید ݙسائے جو ایجنسی آپݨی رپورٹ فیکٹس اینڈ فگرز دے 2021 دے ایڈیشن اچ انکشاف کیتے جو کورونا وائرس دی عالمی وبا دے پہلے سال دے دوران عالمی سطح تےانٹرنیٹ استعمال کرݨ آلیں دی تعداد اچ ݙاہ فیصد ودھارا تھئے ۔
