دبئی۔2دسمبر(اے پی پی)پاکستان کرکٹ ٹیم دے سابق کپتان، سوئنگ دے سلطان وسیم اکرم کوں دبئی دا گولڈن ویزا جاری کر ݙتا ڳئے۔ قومی ٹیم دے سابق کپتان سوشل میڈیا تے اپݨی پوسٹ اچ ݙسائے جو اے میݙے کیتے وݙے اعزاز اتے ماݨ دی ڳالھ اے جو دبئی دی حکومت کرکٹ اچ میݙیاں خدمات منیندے ہوئے میکوں گولڈن ویزا جاری کیتے۔ یاد رہوے جو قومی ٹیم دے آل راؤنڈر شعیب ملک اتے انہاں دی زال بھارتی ٹینس سٹار ثانیہ مرزا کوں وی دبئی دی حکومت گولڈن ویزا جاری کیتا ہوئے۔
