اسلام آباد۔3دسمبر (اے پی پی): پوری دنیا اچ 3 ارب لوکاں کوں صحت بخش غذا تئیں رسائی دے مسئلیں دا سامݨا اے ۔ اقوام متحدہ دے ادارہ خوراک و زراعت (ایف اے او) دی سالانہ رپورٹ دے مطابق عالمی سطح تے زراعت اتے خوراک دے سسٹمز کوں خشک سالی، سیلاب اتے بیماریاں سودھے کورونا وائرس دی عالمگیر وبا پاروں مختلف اوکھ دا سامݨا رہیا جے عالمی برادری انہاں دے خدشات مکاوݨ کیتے جامع حکمت عملی دے تحت اقدامات نہ کیتے تاں مزید ھک ارب لوکاں کوں صحت بخش غذا دی دستیابی دے خطرات دا سامݨا تھی سڳدے ۔ ایف اے او آکھیے جو خشک سالی، سیلاب، فصلاں دیاں بیماریاں اتے کووڈ۔ 19 پاروں پیش آندے خطریں دے حوالے نال اقدامات نہ کیتے ڳئے تاں ھک ارب لوکاں دیاں آمدنیاں اچ ھک تہائی تئیں گھٹ تھی سڳدی اے جیں توں انہاں دی صحت بخش غذا تئیں رسائی دے مسئلیں دا سامݨا تھی سڳدے ۔
