اسلام آباد۔3دسمبر (اے پی پی) پاکستان اتے جنوبی یورپ وچال ݙوطرفہ تجارت دے حجم اچ جاری مالی سال دے پہلے چارمہینے اچ ودھارا ریکارڈ کیتا ڳئے۔ اڄوکے مالی سال اچ جنوبی یورپ دے ملکاں کوں پاکستانی برآمدات اچ 45.26 فیصد جݙاں جو انہاں ملکاں توں درآمدات اچ 90.07 فیصد دی نمو ریکارڈ کیتی ڳئی۔سٹیٹ بینک آف پاکستان ، ایس بی پی دی طرفوں جاری تھوݨ آلے عدادوشمار موجب جنوبی یورپ دےملکاں یونان، اٹلی، سپین اتے خطے دے بئے ملکاں اچ پاکستانی برآمدات دا حجم 795.67 ملین ڈالر ریکارڈ کیتیاں ڳئن جیڑھی جو گزریل مالی سال دی ایں مدت دے مقابلے اچ 45.26 فیصد ودھ ہن ، گزریل مالی سال دی ایں مدت اچ جنوبی یورپ دے ملکاں کوں پاکستانی برآمدات دا حجم 547.74 ملین ڈالر ریکارڈ کیتا ڳیا ہئی ۔
