پاکستان دی سیاسی قیادت اتے پاکستان دی عوام سری لنکا دے شہری دے قتل دی مذمت کریندی اے، وزیرخارجہ مخدوم شاہ محمود قریشی

اسلام آباد۔4دسمبر (اے پی پی) وزیرخارجہ مخدوم شاہ محمود قریشی آکھیا جو پاکستان دی سیاسی قیادت اتے پاکستان دی عوام سری لنکا دے شہری دے قتل دی مذمت کریندی اے۔ ہفتے کوں آپݨے ٹویٹ اچ انہاں آکھیا جو اساں متوفی دے ٹٻر، سری لنکا دی حکومت اتے عوام نال تعزیت کریندوں اتے یقین ݙویندوں جو ملوث بندیاں کوں انصاف دے کٹہرے اچ آندا ویسی۔ انہاں آکھیا جو ایجھے کماں دا اساݙے مذہب اتے ملک اچ کوئی تصورکائنی۔