ملتان۔6دسمبر (اے پی پی):حضرت شاہ رکن عالم ؒدے 10 دسمبر توں شروع تھیوݨ آلے ترائے ݙینھ دے عرس مبارک دیاں تیاریاں جاری ہن ۔ملتان ویسٹ منیجمنٹ کمپنی ، ایم ڈبلیو ایم سی عرس دے موقع تے صفائی دے بھرپور انتظامات کیتے ورکرز دا ڈیوٹی روسٹر جاری کرݙتے ۔قلعہ کہنہ قاسم باغ اچ 24 گھنٹے صفائی برقرار رکھݨِ کیتے ورکرز ترائے شفٹاں اچ کم کریسن جݙاں جو ہر شفٹ 20 سینٹری ورکرز تے مشتمل ہوسی۔ورکرز کوں کمپیکٹر اتے واٹر باوزر دی مدد وی حاصل ہوسی ۔ڈپٹی کمشنر عامر کریم خان دی ہدایت تے ایم ڈبلیو ایم سی عرس دے ݙینھاں وچ قلعہ تے کیمپ آفس قائم کریسی ۔قلعہ کہنہ قاسم باغ دے آسے پاسے دیاں سڑکاں تے زائرین کیتے مختص 17 رہائش گاہواں تے وی صفائی دے خصوصی انتظامات کیتے ویسن ۔ایم ڈی فخرالاسلام ڈوگر دی ہدایت تے منیجر آپریشنز داود مکی ورکرز دا ڈیوٹی روسٹر جاری کرݙتے ۔ڈپٹی منیجر آپریشنز انوارالحق فوکل پرسن اتے سیکٹر ہیڈ شہباز حسین انچارچ مقرر کیتا ڳئے ۔
