نئی دہلی ۔8دسمبر (اے پی پی):بھارت دےچیف آف ڈیفنس سٹاف جنرل بپن راوت دا ہیلی کاپٹر تامل ناڈو اچ ڈھہہ تے تباہ تھی ڳئے ۔بھارتی ذرائع ابلاغ آپݨی رپورٹس اتے بھارتی فضائیہ اپݨے ٹویٹ اچ ݙسائے جو ھک ایم آئی ۔17وی 5 ہیلی کاپٹر جیں اچ بھارت دےچیف آف ڈیفنس سٹاف جنرل بپن راوت سوار ہن،کوئمباتور اتے سلور دے درمیان واقع تامل ناڈو دے پہاڑی علاقے کونور دے نیڑے ڈھہہ تے تباہ تھی ڳئے ۔ ہیلی کاپٹر بھارتی فضائیہ دے سلور بیس توں ویلنگٹن اچ ڈیفنس سروسز کالج ویندا پیا ہئی۔ ایمرجنسی اتے ریسکیو ٹیمیں موقع تے پڄ ڳئن اتے حادثے اچ ہلاک اتے زخمی تھیوݨ آلیں کوں نیڑے فوجی ہسپتال اچ منتقل کیتا ویندا پئے ۔بھارتی ذرائع ابلاغ موجب حادثے دا شکار تھیوݨ آلے ہیلی کاپٹر تے کل 14 بندے سوار ہن ،جنہاں اچ چیف آف ڈیفنس سٹاف جنرل بپن راوت، انہاں دی ذال مادھولیکا راوت، بریگیڈیئر ایل ایس لدر، لیفٹیننٹ کرنل ہرجندر سنگھ اتے ٻئے شامل ہن
