اقوام متحدہ ۔8دسمبر (اے پی پی):اقوام متحدہ دے سیکرٹری جنرل انتونیو گوتریش کووڈ۔19 توں متاثرہ شخص نال رابطے دے بعد خود کوں قرنطینہ کرڳھدے ۔ چینی خبر رساں ادارے موجب انہاں دے نائب ترجمان فرحان حق آکھیے جو ا قوام متحدہ دے سربراہ اچ کووڈ۔19 دی کوئی علامات نی پاتیاں ڳیاں اتے انہاں دا کورونا وائرس دا ابتدائی ٹیسٹ منفی آئے لیکن انہاں احتیاطی تدابیر اختیار کریندے ہوئیں خود کوں قرنطینہ کرڳھدے اتے آپݨی ساری مصروفیات منسوخ کرݙتن اتے او کجھ ݙینھ تئیں گھر توں کم کریسن ۔ واضح رہے سیکرٹری جنرل خمیس کوں سلامتی کونسل اچ دہشت گردی اتے موسمیاتی تبدیلی دے تناظر اچ سلامتی تے کھلی بحث اچ ڳال کرݨی ہئی اتے انتونیو گوتریش 26 نومبر کوں بوسٹر لوایا ہئی ۔
