نئی دہلی ۔8دسمبر(اے پی پی)بھارت دے چیف آف ڈیفنس سٹاف جنرل بپن راوت اپݨی ذال اتے ہیلی کاپٹر عملے سودھا 13 ڄݨے تامل ناڈو اچ فوجی ہیلی کاپٹر ݙھاݨ پاروں ماریے ڳین۔ بھارتی فضائیہ تصدیق کیتی اے جو ہک ایم آئی ۔17 وی 5 ہیلی کاپٹر حادثے دا شکار تھئے جیندے اچ بھارت دے چیف آف ڈیفنس سٹاف جنرل بپن راوت، انہاں دی زال مادھولیکا راوت، اتے ٻئے لوک سوار ہن۔ ہیلی کاپٹر کوئمباتور اتے سلور وچال تامل ناڈو دے پہاڑی علاقے کونور دے نیڑے ݙتھے۔ ہیلی کاپٹر بھارتی فضائیہ دے سلور بیس توں ویلنگٹن اچ ڈیفنس سروسز کالج ویندا پیا ہا جتھاں جنرل بپن راوت سٹاف کورس دے افسران نال خطاب کرݨا ہا۔ بھارتی ائیر فورس حادثے دی تحقیقات شروع کر ݙتن۔
