کراچی۔8دسمبر(اے پی پی)قومی ٹیسٹ اسکواڈ خمیس کوں ڈھاکہ توں وطن ولسی۔ پاکستان کرکٹ بورڈ (پی سی بی) آکھیے جو قومی ٹیم اڄ خمیس دی سویل 10 وڄے ڈھاکہ توں بذریعہ دبئی وطن ولسی۔ ویسٹ انڈیز دے خلاف سیریز کیتے قومی اسکواڈ دے ارکان کراچی پڄسن۔ ٹیم منیجمنٹ سودھا محمد رضوان، شاہین آفریدی، عبداللہ شفیق، سعود شکیل، محمد نواز اتے امام الحق شام کوں 6 وڄے کراچی پڄ تے بائیو سیکیور ببل اچ رلسن۔ کپتان بابر اعظم، فہیم اشرف، سرفراز احمد، فواد عالم، نعمان علی، زاہد محمود اتے عابد علی وی کراچی پڄسن ڄݙاں جو اظہر علی، نسیم شاہ، حسن علی، محمد عباس، بلال آصف، کامران غلام اتے ساجد خان خمیس دی شام ساݙھے 6 وڄے لاہور پڄسن۔ بابر اعظم 10 دسمبر کوں بائیو سیکیور ببل جوائن کریسن۔
