کراچی۔8دسمبر(اے پی پی)کپتان قومی کرکٹ ٹیم بابر اعظم آکھیے جو کھیݙاڑیاں ذمہ داری نال بنگلہ دیش توں ٹیسٹ سیریز جیتی اے، منصوبہ بندی دے مطابق کھیݙ نال کامیابی ملی اے، کوشش کرینداں جو کھلاڑیاں کوں انہاں دی ذمہداری واضح ݙسا تے اعتماد ݙیواں۔ بنگلہ دیش توں تیسٹ سیریز جیتݨ دے بعد میڈیا نال الیندے انہاں آکھیا جݙاں ٹیم ذمہ داری ݙکھاوے تاں جیت یقینی ہوندی اے، اپݨی اتنی چنڳی ٹیم ہووݨ تے ماݨ اے، ݙوڄھا ٹیست جیتݨ غیر معمولی اے، ٹیسٹ میچ دا ٹرننگ پوائنٹ ساجد خان دا اسپیل ہا جیندیاں 8 وکتاں نال ساکوں شہہ ملی اے، فاسٹ بولرز شاہین شاہ آفریدی اتے حسن علی وی تیکھے وکٹان ڳھدن، جیت کیتے مائنڈ سیٹ کلیئر رکھݨا پوندے۔ بالنگ کراوݨ بارے بابر اعظم آکھیا جو انڈر 19 اتے فرسٹ کلاس اچ بولنگ کریندا ریہاں، اڄ انٹرنیشنل کرکٹ اچ پہلیو اری بولنگ اتے وکٹ ڳھنݨ تے وݙی چس آئی اے۔
