اسلام آباد۔10دسمبر(اے پی پی)وفاقی وزیر برائے نیشنل فوڈ سکیورٹی اینڈ ریسرچ سید فخر امام آکھیے جو پاسکو کولو 10 لکھ ٹن کݨک موجود ہے، 50 ہزار ٹن کݨک افغانستان کوں عطیہ کریسوں، کݨک دی کوئی تھوڑ کائنی اتے کہیں وی صوبے دی وادھو لوڑھ سانڳے کݨک موجود اے۔ اے ڳالھ انہاں پاسکو اچ اجلاس دی صدارت کریندے آکھی۔ اجلاس اچ سیکرٹری نیشنل فوڈ سکیورٹی طاہر خورشید، ایم ڈی پاسکو عمران ناصر وی موجود ہن۔ ایم ڈی پاسکو عمران ناصر وفاقی وزیر کوں کݨک دے اڄوکے سٹاک اتے تقسیم بارے ݙسایا۔ وفاقی وزیر آکھیا جو سال مکݨ تے وی پاسکو کولو وݙی کݨک موجود اے اتے ایندے کوئی قلت کائنی، چاہندے ہیں جو ایں اوکھے ویلھے افغانستان دا ہتھ ونݙاوں، جیندے کیتے 50 ہزار ٹن کݨک ݙونیٹ کریسوں۔
