اسلام آباد۔10دسمبر(اے پی پی)وفاقی وزیر برائے نیشنل فوڈ سیکیورٹی اینڈ ریسرچ سید فخر امام آکھیے جو ڈی پی پی دا ڈیجیٹل ایکسپورٹ سسٹم ایز آف ڈوئنگ بزنس ودھیسی، ملکی ترقی و خوشحالی کیتے ڈیجیٹلائزیشن ودھاوݨ دی لوڑھ اے۔ اے ڳالھ انہاں پی آئی ٹی بی اچ اجلاس دی صدارت کریندے آکھی جیندے اچ سیکرٹری نیشنل فوڈ سکیورٹی طاہر خرشید، ڈی جی ڈی پی پی ڈاکٹر طاہر خان، پی آئی ٹی بی چیئرمین ازفر منزور، ڈی جی آپریشنز فیصل یوسف، جوائنٹ ڈائریکٹر شہزاد چوہدری وی موجود ہن۔ وفاقی وزیر آکھیا جو ڈی پی پی دا ڈیجیٹل ایکسپورٹ سسٹم ایز آف ڈوئنگ بزنس کیتے اہم اے جیندی ایپ ایں مہینے مکمل کیتی ویسی، ایندے نال نطام اچ شفافیت آسی اتے فیڈ بیک ماڈل دے تحت پروسیسنگ تیھکے تھی سڳسی، ڈی پی پی دے تحت امپورٹ ایکسپورٹ سسٹم کوں ڈیجیٹلائز کرتے ٻیا تیز اتے پیپر لیس ٻݨایا ویسی۔
