کیپ ٹائون۔13دسمبر (اے پی پی):جنوبی افریقہ دے صدر سیرل راما مکمل ویکسی نیٹڈ ہووݨ دے بعد کورونا وائرس توں متاثر تھی ڳئن۔ فرانسیسی خبر رساں ادارے موجب پریذیڈینسی دی طرفوں جاری بیان اچ ݙسائے جو صدر سیرل راما فوسا دا کورونا وائرس دا ٹیسٹ گزریل ݙینھ مثبت آگئے جݙاں انہاں ھک ݙینھ پہلے دارالحکومت کیپ ٹائون اچ سابق نائب صدر ایف ڈبلیو کلیرک دی سرکاری یادگاری تقریب اچ شرکت دے بعدطبیعت اچ خرابی محسوس کیتی۔ بیان موجب صدر اچ کورونا وائرس دی معمولی علامات پاتیاں گئن لیکن انہاں دے حوصلے اچے ہن اتے انہاں دا اعلاج جاری اے ۔بیان اچ ݙسایا ڳئے جو صدر فی الحال کیپ ٹائون اچ سیلف آئسولیشن وچ رہسن اتے انہاں آندے ہفتے کیتے ساریاں ذمے واریاں نائب صدر ڈیوڈ مبوزا کوں ݙتن ۔
