اسلام آباد۔13دسمبر (اے پی پی):فیصل حسنین پاکستان کرکٹ بورڈ (پی سی بی) دے نویں چیف ایگزیکٹو مقررتھی ڳئن ۔ اوجنوری 2022 اچ آپݨے عہدے دا چارج سنبھلیسن، انہاں یوکے توں چارٹرڈ اکاؤنٹنٹ دی ڈگری حاصل کررکھی اے۔فیصل حسنین سپورٹس ایڈمنسٹریشن اتے فنانس اچ 35 سال توں ودھ تجربہ رکھیندن ۔ ایں دوران او آئی سی سی دے چیف فنانشل آفیسر اتے زمبابوے کرکٹ دے ایم ڈی رہ چکئن ۔ اوسٹی گروپ/ سعودی امریکن بنک لندن دے فنانشل کنٹرولر وی رہ چکئن ۔ چیئرمین پی سی بی رمیز راجہ آکھیے جو میں فیصل حسنین کوں بحیثیت چیف ایگزیکٹو پی سی بی فیملی اچ خوش اکھینداں اتے پیشہ ورانہ مہارت پاروں فیصل حسنین کوں پوری دنیا اچ سنڄاتا ویندے ۔ فیصل حسنین آکھیے جو پاکستان کرکٹ بورڈ اچ کم کرݨ دا موقع ملݨ میں کیتے فخر دی ڳال اے اتے میں چیئرمین پی سی بی دی سوچ اتے پاکستان کرکٹ دے فینز دی خواہشات دے مطابق پاکستان کرکٹ دی ترقی اچ آپݨا کردار نبھاوݨ کیتے پرعزم ہاں۔
