اسلام آباد ۔ 16 مئی (اے پی پی) وزیر خزانہ محمد اسحاق ڈار آکھیا جو وزیر اعظم سارے حقائق پارلیمنٹ نال قوم دے سامنڑے پیش کر ڈتن،سپیکر جتنا جلدی ممکن ہووے پارلیمانی کمیٹی دا اعلان کرن۔اساں چاہندے ہاسے جو عمران خان وی جواب ڈیندے جدانجو شاید انہاں کنے آکھنڑ سانگے کجھ کائنا ہئی۔سونوار کوں قومی اسمبلی دے اجلاس اچ وزیر خزانہ اسحاق ڈار آکھیا جو اپوزیشن دا واک آئوٹ مایوس کن اے ۔اے طے تھیا ہئی جو وزیر اعظم دی گالھ دے بعد قائد حزب اختلاف گالھ کریسن ،اساں آکھیا جو عمران خان کوں وی گالھ کرنڑ دا موقع ڈتا ونجے۔وزیر اعظم چنگی بھلی تفصیل پیش کر ڈتی اے اتے آکھیا جو او سارے حقائق دی تفصیلات اتے انہاں دا ٹبر فور م دے سامنڑے پیش کر ڈیسی۔انہاں آکھیا جو اپوزیشن دا مطالبہ ہئی جو انہاں کوں ریٹائرڈ جج قبول کائنی ۔اساں انہاں دی گالھ تسلیم کیتی اتے انہاں دے مطالبے تے وزیر اعظم اتے کابینہ فیصلہ کیتا جو اساں چیف جسٹس پاکستان کوں وی خط لکھ ڈیندے ہیسے۔انہاں آکھیا جو پارلیمانی روایت دے مطابق سینیٹ اتے قومی اسمبلی دی کمیٹی بنڑا ڈتی۔وزیر اعظم کھلے دل نال اے معاملہ سپیکر دے حوالے کر ڈتے۔
