ڈھاکہ۔15دسمبر(اے پی پی)ڈھاکہ اچ تھیوݨ آلے ایشین ہاکی چیمپئنز ٹرافی اچ جمعہ 17 دسمبر کوں ٻئے ݙو میچاں دا فیصلہ تھیسی۔ روایتی حریف پاکستان اتے بھارت جمعہ کوں ہک ٻئے دے آمݨے سامݨے ہوسن۔ ݙوڄھا میچ میزبان بنگلہ دیش اتے جنوبی کوریا وچال تھیسی۔ ملائیشیا دے ایونٹ توں دستبردار تھیوݨ دے بعد ٹورنامنٹ اچ 5 ایشیائی ٹیماں رہ ڳین جیندے اچ میزبان بنگلہ دیش، پاکستان، بھارت، جنوبی کوریا اتے جاپان شامل ہین۔ پاکستان ایونٹ اچ اپݨا تریڄھا میچ 18 دسمبر کوں جنوبی کوریا اتے چھیکڑی چوتھا میچ 19 دسمبر کوں میزبان بنگلہ دیش نال کھیݙسی۔ پاکستان اپݨا پہلا میچ جاپان نال بغیر کہیں گول دے برابر کیتے۔ ݙوہیں 21 دسمبر اتے فائنل 22 دسمبر کوں تھیسن۔
