اسلام آباد۔22دسمبر (اے پی پی):وزیر خارجہ مخدوم شاہ محمود قریشی آکھیے جو پاکستان،سارک دے بانی رکن ہووݨ دے ناطے، علاقائی تعاون اتے رابطے دے ودھارے کیتے سارک دے متحرک اتے فعال کردار دا متقاضی اے،سارک پلیٹ فارم توں ، وبائی صورتحال، موسمیاتی تبدیلیاں، غذائی تحفظ جیہے مشترکہ چیلنجز نال نبݨݨ کیتے جامع اتے موثر حکمت عملی اپناوݨ دی لوڑھ اے ، اے ڳال انہاں جنوب ایشیائی ملکاں دی علاقائی تعاون دی تنظیم سارک دے سیکرٹری جنرل ایسالا رووان ویراکونسے نال ڳال مہاڑ کریندے ہوئیں آکھی اے جنہاں ٻدھ کوں وزارتِ خارجہ اچ انہاں دے نال ملاقات کیتی ، وزیر خارجہ سیکرٹری جنرل سارک دے نال سیالکوٹ اچ سری لنکن شہری دے نال پیش آوݨ آلے افسوسناک واقعے تے ݙکھ تے افسوس کیتے اتے آکھیے جو اساں ایں افسوسناک واقعہ دے تھیوݨ دے بعد سری لنکن حکومت اتے عوام دے ساتھ نال دلی اظہار تعزیت کیتی اے۔شاہ محمود قریشی آکھیے جو ساݙی ساری سیاسی قیادت، مذہبی سکالرز اتے پاکستانی قوم ایں واقعہ دی مذمت کیتی اے ۔وزیر خارجہ سیکرٹری جنرل سارک کوں یقین ݙیوائے جو حکومت پاکستان ایں بہیمانہ واقعہ دے ذمے واراں کوں توڑ پڄیسی ۔
