اسلام آباد۔23دسمبر (اے پی پی) وفاقی وزیر داخلہ شیخ رشید احمد آکھیا جو حکومت مسیحی برادری سودھے سارے اقلیتاں دے سارے مسئلے حل کرݨ کیتے پر عزم اے، نالہ لئی اتے راولپنڈی رنگ روڈ منصوبیاں دی منظوری تے وزیراعظم اتے وزیراعلیٰ پنجاب دا شکریہ ادا کریندوں۔ اے ڳالھیں انہاں خمیس کوں سی ڈی اے ہیڈ کوارٹرز اچ کرسمس دی تقریب نال مزمان خصوصی دے طور خطاب کریندیں ہوئیں آکھی۔ وفاقی وزیرآکھیا جو کرسچن کمیونٹی دے رہائشی مسئلیاں دے حل بارے کوشش کریساں۔ مسیحی برادی کیتے کالونی ٻݨیسوں۔ انہاں آکھیا جو سیالکوٹ واقعے نال ملک دی بدنامی تھئی اے اتے ایں واقعے نال پاکستان دا دنیا کوں غلط میسج ڳئے، پاکستان امن پسند ملک اے اتھاں سارے مذاہب کوں مذہبی آزادی حاصل اے اتے سارے مذاہب دے ہک ݙوجھے نال چنڳے تعلقات ہن۔
