اسلام آباد۔23دسمبر (اے پی پی):چیئرمین سینیٹ محمد صادق سنجرانی آکھیے جو پاکستان اچ سرمایہ کاری کیتے ماحول محفوظ اتے سازگار اے جیں توں سعودی عرب دے سرمایہ کار فیدہ چا سڳدن ݙوطرفہ تجارتی تعلقات کوں مزید ودھاوݨ دی لوڑھ اے ۔ سینیٹ سیکرٹریٹ موجب اے ڳال انہاں سعودی مجلس شوریٰ کونسل دے چیئرمین ڈاکٹر عبداللہ بن محمد آل شیخ دی قیادت اچ اعلیٰ اختیاراتی وفد نال گال کریندے ہوئیں آکھی اے خمیس کوں اتھاں چیئرمین سینیٹ نال ملاقات کیتی۔ ملاقات اچ ݙوہیں بھرا ملکاں وچال ݙو پاسے دے تعلقات دے ودھارے تے سارے شعبیں اچ مزید تعاون کوں ودھاوݨ سودھے سانجھے دلچسپی دے امور تے ڳال مہاڑ کیتی ڳئی اے ۔ سعودی عرب اتے پاکستان اچ پارلیمانی رابطے دے ودھارے سودھے ٻئے سانجھی دلچسپی دے امور تے وی ڳال مہاڑ کیتی ڳئی اے ۔ چئیرمین سینیٹ مہمان کوں افغانستان دی صورتحال اتے اتھاں دے لوکاں کوں بحران توں بچاوݨ کیتے چاتے ڳئے اقدامات بارے ݙسیا ۔ محمد صادق سنجرانی سعودی عرب اتے کنگ سلمان ریلیف سینٹر دی طرفوں افغانی عوام دی امداد تے شکریہ ادا کیتے۔
