لاہور ۔23دسمبر (اے پی پی):وفاقی وزیر اطلاعات و نشریات چوہدری فواد حسین آکھیے جو مریم نواز خیبر پختونخوا اچ آپݨی شکست دا جشن منیندی پئی اے ، نواز اتے زرداری جیہے لوکاں قرضے گھن تے ملکی معیشت دا بیڑہ غرق کیتے،اساں پنج سالاں اچ انہاں دا ڳھدا ہویا 55 ارب ڈالر قرضہ واپس کرݨا اے، زرداری جݙاں عدالت ونڄݨا ہوندے تاں او وہیل چیئر منگوا گھندن، ضمانت ملݨ دے بعد اے اپݨے قد توں وݙیاں بھڑکاں مارݨ شروع کرݙیندن ، آصف زرداری پیپلز پارٹی دی او حالت کرݙتی اے جو اڄ پیپلز پارٹی کنے پنجاب اچ انتخابی امیدوار ہی کائنی ، اے جماعتاں صرف میڈیا دے سہارے زندہ ہن ، پاکستان دی عمومی معیشت ترقی دے پاسے ٹردی پئی اے ۔ خمیس کوں میڈیا نال ڳال مہاڑ کریندے ہوئیں وفاقی وزیر اطلاعات آکھیے جو اساکوں الیکشن نی قوم کوں ݙیھکݨ دی لوڑھ اے ، ماضی اچ منگلا اتے تربیلا ڈیماں دے علاوہ کہیں ݙوجھے ڈیم دی تعمیر تے توجہ نی ݙتی ڳئی اساں ݙیماں تے کم شروع کیتے ، ڈیماں دی تعمیر توں پاݨی دے ذخیرے اچ بہتری آسی، انہاں آکھیے ایں ویلھے ملک اچ ݙو لکھ کمپنیاں موجود ہن، ھک لکھ 57 ہزار کمپنیاں صرف پچھلے ݙھائی سال اچ بݨن ۔ وفاقی وزیر اطلاعات آکھیے جو زرعی شعبہ تے اساں فوکس رکھیے، ساݙیاں پنج وݙیاں فصلاں دی بمپر پیداوارتھئی ، چاول، کݨک، مکئی دی تاریخی پیداوار تھئن، کاٹن دی پیداوار اچ 44 فیصد ودھارا تھئے انہاں آکھیے جو زرعی شعبہ اچ 1100 ارب روپے اضافی ڳئن ۔
