اسلام آباد۔24دسمبر(اے پی پی)وفاقی وزیر برائے توانائی حماد اظہرآکھیے جو پاکستان دے گیس دے قدرتی ذخائر ہر سال 9 فیصد ڳھٹدے پین، نان ایکسپورٹ جنرل انڈسٹری اتے کیپٹو پاور پلانٹس کوں گیس روک تے گھریلو صارفین کوں ݙیندے پئے ہیں، صنعتاں اتے گھریلو صارفین دی ڈیمانڈ ودھدی پئی اے، کراچی اچ گیس بحران تے کم تھیندا پئے۔ اے ڳالھ انہاں پریس کانفرنس اچ آکھی جو سیالے اچ کابینہ دے مقرر شدہ ترجیحی آرڈر دے مطابق نان ایکسپورٹ جنرل انڈسٹری اتے کیپٹو پاور پلانٹس کوں گیس روک تے گھریلو صارفین کوں ݙیندے پئے ہیں، ایں سال سندھ ہائی کورٹ دے حکم امتناعی پاروں سوئی سدرن گیس کمپنی کوں سندھ اچ انڈسٹری اتے کیپٹو پاور پلانٹس کوں گیس روکݨ توں ہٹکیا ڳئے۔ انہاں آکھیا جو قدرتی گیس ہر سال سیالے اچ مینج کیتی ویندی اے جو گھریلو صارفین دی طلب سیالے اچ 3 گنا ودھ ویندی اے، سوئی سدرن گیس کمپنی دے منیجنگ ڈائریکٹر کوں آکھیے جو او حکم امتناع تے سماعت دی درخواست ݙیون جو صارفین کوں ریلیف ملے۔ انہاں آکھیا جو بیرون ممالک توں درآمدی ایل این جی دی قیمت ودھ اے، ہک حد توں ودھ گیس سپلائی نئیں تھی سڳدی، ایں سال سیزنل ونٹر انرجی پیکیج دا وی اعلان کیتے، صارفین سیالے اچ جتنے بجلی یونٹس استعمال کریسن ایندے تے رعایت ملسی اتے ایندے تے فیول پرائس ایڈجسٹمنٹ نہ ہوسی۔
