اسلام آباد۔24دسمبر(اے پی پی)وفاقی وزیر صنعت و پیداوار خسرو بختیار آکھیے جو ایں ہفتے یوریا کھاد دی سپلائی 30 فیصد ٻئی ودھائی ویسی، یوریا کھاد دی طلب ملکی پیداوار نال پوری کیتی ویسی، اے ڳآلھ انہاں اپݨے زیر صدارت فرٹیلائزر ریویو کمیٹی دے ہفتہ وار اجلاس نال الیندے آکھی۔ اجلاس اچ یوریا دی ماہانہ پیداوار اتے ترسیل دی سؤرتحال تے بریفنگ ݙتی گئی جو فرٹیلائزر انڈسٹری اچ مثبت نمو دا رجحان اے، یوریہ دی یومیہ پیداوار اوسطاً 20 ہزار ٹن اے، حکومتی اقدامات پاروں کھاد دی فی بوری قیمت 1800 روپے تے آگئی اے۔ فاطمہ فرٹیلائرز اتے ایگری ٹیک دے پلانٹس جنوری اتے فروری اچ پوری استعداد نال چلسن، یوریا پلانٹس کوں ترجیحی بنیاداں تے گیس ڈتی ویسی۔
