ترجمان پاک فوج میجر جنرل بابر افتخار آکھیے جو حکومت عالمی صورتحال ݙیہدے ہوئے قومی سلامتی پالیسی ٻݨائی اے، قومی سلامتی پالیسی ابھردے چیلنجز نال نمٹݨ کیتے ٻہوں ضروری اتے اہم اے۔ پاک فوج دے شعبہ تعلقات عامہ (آئی ایس پی آر) دے ڈائریکٹر جنرل (ڈی جی) میجر جنرل بابر افتخار ٹویٹ کیتے جو قومی سلامتی پالیسی دا اجراء ہک اہم سنگ میل ہا، پاکستان دی قومی سلامتی تکڑی کرݨ کتیے اے پالیسی ٻہوں اہم ثابت تھیسی۔ انہاں آکھیے جو پاک فوج جامع فریم ورک، قومی سلامتی دے پہلوواں تے باہمی روابط کوں منیندی اے، افواج پاکستان قومی سلامتی پالیسی دے وژن دے مطابق کردارادا کریسن۔
