جنیوا۔29دسمبر (اے پی پی):عالمی ادارہ صحت آکھیے جو کورونا وائرس دی نویں قسم اومیکرون توں لاحق خطرہ ہݨ وی ٻہوں زیادہ اے ۔ فرانسیسی خبر رساں ادارے موجب ڈبلیو ایچ او وبائی امراض بارے آپݨی ہفتہ وار بریفنگ اچ ݙسائے جو شواہد توں پتہ چلیے جو اومیکرون ڈیلٹا ویریئنٹ دے مقابلے اچ تکھے کھنڈدےتے ایندی علامات وی ݙو توں ترائے ݙینھ اچ ظاہر تھی ویندن، انہاں ݙسایا جو جنوبی افریقہ اچ اومیکروں دے کیسز اچ 29 فیصد کمی ݙیکھݨ اچ آئی اے ، انہاں مزید ݙسایا جو ایں نویں قسم کوں سمجھݨ کیتے حالی وی مزید تحقیق دی لوڑھ اے۔
