اسلام آباد۔29دسمبر (اے پی پی):وفاقی وزیر توانائی حماد اظہر آکھیے جو ملک اچ تیل و گیس دی تلاش اتے پیداوار اچ ودھارا حکومت دی اولین ترجیح اے، بجلی دی پیداوار کیتے مقامی وسائل کوں بروئے کار گھن آیا ویندا پئے ۔ انہاں اے ڳال بدھ کوں اتھاں پاکستان اچ سعودی عرب دے سفیر نواف بن سعید المالکی نال ڳال مہاڑ کریندے ہوئیں آکھی اے جنہاں انہاں نال ملاقات کیتی ۔ وزیر توانائی سعودی سفیر کوں پورے ملک اچ توانائی دے بنیادی ڈھانچے دی ترقی اچ موجودہ حکومت دی طرفوں چاتے ڳئے اقدامات بارے ݙسایا ، انہاں سعودی سفیر کوں توانائی دے شعبے اچ حکومت دے اقدامات بارے وی ݙسیا جنہاں دے تحت بجلی دی پیداوار کیتے مقامی وسائل کوں بروئے کار گھن آوݨ کیتے قابل تجدید توانائی دی پالیسی تے عمل کیتا ویندا پئے ۔ انہاں آکھیے جو حکومت تیل اتے گیس دے شعبے اچ تلاش اتے پیداواری سرگرمیاں کوں اولین ترجیح ݙیندی اے جیڑھا جو ملک اچ سرمایہ کاری کوں راغب کریسن ۔ سعودی سفیر توانائی دے شعبے اچ پاک سعودی منصوبیں کیتے وفاقی وزیر توانائی اتے انہاں دی ٹیم دیاں کوششاں دی تعریف کیتی ، انہاں وفاقی وزیر کوں فیوچر منرلز سمٹ اچ وی سݙیے جیڑھا جو 11 توں 13 جنوری 2022 کوں ریاض اچ تھیسی ۔
