لاہور۔29دسمبر(اے پی پی)گورنر پنجاب چوہدری محمدسرور آکھیے جو مہانگ سودھا ملک کوں درپیش چیلنجز نال نبݨن کیتے حکومت ہنگامی بنیاداں تے کم کریندی پئی اے، قوم نال ”دونہیں ایک پاکستان ” ٻݨاوݨ دا وعدہ پورا کرݨ تحر یک انصاف حکومت دی ذمہ داری اے جیڑھی پوری کریسوں، حکومت سیاسی مفادات توں ہٹ تے ملک وقوم دی ترقی کیتے فیصلے کریندی پئی اے۔ اے ڳالھ انہاں پنجاب آب پاک اتھارٹی دے 44ملین روپے دے 15منصوبیاں دا افتتاح کرݨ دے بعد تقریب نال خطاب اچ آکھی۔ تقریب اچ پی ٹی آئی دے رکن اسمبلی صداقت علی عباسی، ایم پی اے راجہ صغیر احمد اتے چیئرمین پنجاب آب پاک اتھارٹی ڈاکٹر شکیل احمدخاں سودھا ٻعے لوک وی موجود ہن۔ چوہدری محمد سرور آکھیا جو حکومت نیک نیتی نال کم کریندی پئی اے، وزیر اعظم عمران خان دی اڳواݨی اچ اڄوکی حکومت احساس پروگرام اتے ٻئے منصوبیاں نال غریب عوام کوں سکھ ݙتے اتے مہانق مکاوݨ کیتے اقدامات تھیندے پن۔
