جنیوا۔30دسمبر (اے پی پی):عالمی ادارہ صحت کورونا وائرس دے کیسز اچ ودھݨ دا ݙر ظاہر کیتے ۔ ڈبلیو ایچ او دے سربراہ ٹیڈروس ایڈہانوم گیبرائسیس موجب اومیکرون دے نال نال ڈیلٹا ویریئنٹ دے کھنڈݨ دی وجہ توں کورونا کیسز دی تعداد اچ حیرت انگیز ودھارا تھی سڳدے۔ انہاں آکھیے ایندے نتیجے اچ صحت دا نظام اتے عملہ مزید دباؤ دا شکار تھی ویسی ، ایندے باوجود عالمی ادارہ صحت نویں سال کیتے محتاط انداز اچ امید دا اظہار وی کیتے ۔ ڈبلیو ایچ او دے ھک اعلیٰ عہدیدار مائک ریان آکھیے جو آوݨ آلے سال اچ وبائی مرض دا سخت دور ختم تھی ڳدے لیکن وائرس ختم نہ تھیسی ۔
