اسلام آباد۔30دسمبر(اے پی پی)معاون خصوصی سماجی تحفظ و تخفیف غربت سینیٹر ڈاکٹر ثانیہ نشتر دی زیرصدارت احساس تعلیمی وظائف پروگرام دی تقریب اسلام آباد اچ تھئی جیندے اچ احساس دے فیلڈ افسران کوں خراج تحسین پیش کیتا ڳیا۔ تقریب اچ گوجرانوالہ، لیہ، ڈیرہ غازی خان، سرگودھا، ملتان،لکی مروت، مالاکنڈ، ایبٹ آباد، کوہستان، سکردو، گلگت، مظفرآباد، پونچھ، ہٹیاں بالا، مستونگ، نصیرآباد، کراچی، ٹنڈو اللہ یار، اسلام آباد توں افسران شرکت کیتی۔ سہ ماہی جولائی تا ستمبر2021 اچ احساس تعلیمی وظائف دے تحت 9لکھ 7 ہزار 4 سو 86 ٻالاں دا اندراج تھئے، ایں سانڳے اعلیٰ کارکردگی ݙکھاوݨ آلے افسران کوں ڈاکٹر ثانیہ سرٹیفکیٹس ݙتن۔ انہاں آکھیا جو ایں سہ ماہی ٹیم اپݨا ہدف مکمل کیتے، احساس تعلیمی وظائف اچ کچی توں ٻارہویں جماعت تئیں ٻلاڑیاں دے وظائف دی رقم ٻالاں دی نسبت ودھ اے۔
