اسلام آباد۔30دسمبر(اے پی پی)وفاقی وزیر مواصلات مراد سعید آکھیے جو پاکستانی قوم دے عزم دی کہانی دی دستاویزی فلم سیاحت دے ودھارے کیتے ہتھ ونݙیسی۔ ہک ٹویٹ اچ انہاں آکھیا جو سی پیک دے ملک دی تقدیر وٹاوݨ آلے منصوبے تے ہک دستاویزی فلم ٻݨائی ڳئی اے ڄیڑھی پاکستانی قوم دےعزم دی کہانی اے۔ ایں دستاویزی فلم اچ سی پیک دے مختلف سوھݨے پہلو اتے مناظر ݙکھائے ڳین جتھاں انساناں اتے پہاڑاں دا جوڑ ٻݨدے، ایں عجوبے کوں حقیقت دا رنڳ ݙیوݨ آلیاں کوں دستاویزی فلم اچ خراج تحسین پیش کیتا ڳئے، اے منصوبہ اقتصادی لحاظ نال گیم چینجر اے۔ اے دستاویزی فلم یکم جنوری کوں پی ٹی وی تے چلسی۔
