اسلام آباد۔30دسمبر(اے پی پی)قومی اسمبلی کوں ݙسایا ڳئے جو پاکستان فنانشل ایکشن ٹاسک فورس دے 27 اچوں 26 نکات تے عمل کیتے، باقی اقدامات تے وی پیش رفت تھیندی پئی اے۔ قومی اسمبلی اچ ولدا ݙیندے وزارت خزانہ و محصولات تحریری طور تے ݙسائے جو فروری 2022ء اچ فیٹف پاکستان دی پیش رفت دا ولا جائزہ ڳھنسی، فیٹف ایکشن پلان دی تکمیل کیتے پاکستان کوں کوئی وارننگ نئیں ݙتی بھل ایں سانڳے اقدامات تے پاکستان دی ہتھو حوصلہ افزائی کیتی اے، مالیاتی شعبہ اتے بارڈر کنٹرول دے 10 اقدامات کوں عملی شکل ݙتی ڳئی، دہشتگردی دی مالی معاونت دی تحقیقات و استغاثہ سانڳے 8 اچوں 7 نکات عمل تھئے، ہدف آلیاں پابندیاں دے سارے 9 اقدامات تے عملدرآمد تھئے ڄݙاں جو باقی ہک اقدام کوں وی جزوی مکمل کیتے۔
