اسلام آباد۔31دسمبر (اے پی پی):وفاقی وزیر منصوبہ بندی، ترقی ، اصلاحات وخصوصی اقدامات اسدعمر آکھیے جو الحمد للہ 2021 دے چھیکڑ تئیں 7 کروڑ لوکاں دی مکمل ویکسینیشن دا ہدف پورا کرڳھدا ڳئے،پورے ملک اچ وفاقی دارالحکومت اسلام آباد 77 فیصد مکمل ویکسین دے حوالے نال سر فہرست اے۔جمعہ کوں آپݨے ٹویٹ اچ انہاں آکھیے جو پنجاب 51 فیصد، جی بی 46 فیصد، اے جے کے 45 فیصد، بلوچستان 42 فیصد، کے پی 41 فیصد اتے سندھ 37 فیصد تے اے۔ انہاں آکھیے جو کل اہل آبادی اچوں 46 فیصد کوں مکمل طورتے ویکسین لڳ چکی اے اتے 63 فیصد گھٹ توں گھٹ ھک خوراک حاصل کیتی اے ۔انہاں آکھیے جو میں این سی او سی دی ودھ ساری محنت کرݨ آلی ٹیم، وفاق اتے صوبیں دی انتظامیہ اتے صحت دیاں ٹیماں دا خصوصی طورر تے شکر گزار ہاں ۔
