کابل۔3جنوری (اے پی پی):افغانستان دے دارالحکومت کابل اچ ہزاراں شہریاں ملک دے9بلین ڈالر توں ودھ اثاثے منجمد کرݨ دے امریکی اقدام دے خلاف مظاہرہ کیتے تے اثاثیں دی بحالی دا مطالبہ کیتے۔ چینی خبر رساں ادارے موجب گزریل سال اگست اچ امریکی تے ایندے اتحادی ملکاں دی فوج دے انخلا تے طالبان دے اقتدار اچ آوݨ توں بعد امریکا افغانستان دےسینٹرل بینک دے 9بلین ڈالر توں ودھ دے اثاثے منجمد کرݙتن جݙاں جو ورلڈ بینک تے آئی ایم ایف فنڈز دی فراہمی روک ݙتی جیں پاروں افغان معیشت مشکلات توں ݙوچار اے ۔ امریکا ولوں افغانستان دے منجمد کیتے ڳئے اثاچیں دی بحالی کیتے گزریل ݙینھ دارالحکومت کابل اچ ہزاراں افغان شہریاں مظاہرے کیتے ۔ ایں موقع تے مظاہرین بینرز اٹھا رکھیے ہن جیں تے’’اساݙی رقم تے قبضہ ختم کیتا ونڄے اتے اے رقم اساکوں واپس کیتی ونڄݨی چاہیدی اے تے ساݙے منجمد اثاثے بحال کیتے ونڄن ‘‘درج ہن ۔
