اسلام آباد ۔5جنوری (اے پی پی):وفاقی وزیر داخلہ شیخ رشید احمد آکھیے جو اپوزیشن دانشمندی دا مظاہرہ کرے ،ملک اچ جے رکاوٹاں کھڑیاں کیتیاں ڳیاں تاں اپوزیشن کیتے زیادہ مسئلے پیدا تھیسن ، حکومت کورونا وبا دے دوران تاریخی کم کیتن ،ڈیمز دی تعمیر،صحت کارڈ ایجھے منصوبے ہن جنہاں دی پوری طرح تشہیر نی تھی سڳی ،معیشت کوں دباو توں کڈھݨ کیتے عمران خان دی جدوجہد جاری اے ۔اے ڳال انہاں ٻدھ کو اسلام آباد اچ آپݨی تریجھی کتاب ”لال حویلی توں اقوام متحدہ تک” دے انگریزی ایڈیشن دی تقریب رونمائی توں خطاب کریندے ہوئیں آکھی اے ۔تقریب اچ وفاقی وزیر اطلاعات و نشریات فواد چوہدری ، وفاقی وزیر فوڈ سیکورٹی فخر امام ، وفاقی وزیر انسداد منشیات بریگیڈیئر(ر) اعجاز شاہ،وفاقی وزیر منصوبہ بندی ترقی واصلاحات وخصوصی اقدامات اسدعمر ،وفاقی وزیر ہوا بازی غلام سرور خان ، مختلف ملکاں دے سفراءو سنیئر صحافیاں ودھے ٻئے شریک ہن ۔وفاقی وزیر داخلہ آکھیے جو کتاب انہاں لوکاں کیتے لکھی جنہاں آپݨی سیاست دا کھوکھا خود لاتے ہووے تے انہاں کوں سیاست ورثے اچ نہ ملی ہووے ، عمران خان دا شکرگزار ہاں جو میکوں پندرہویں وزارت داخلہ دی ݙتی جیڑھا میں کیتے اعزاز اے ،میں لال حویلی دے ٻاہروں کتاباں ویچ تے مزدوری کریندا ہامی ،میں جوانی دے ست سال قید اچ گزاریے گزاریے،جو سیاست شروع کیتی تاں کجھ ی نہ ہا ، پرویز مشرف جنہاں ݙو چینلز کوں لائسنس نہ ݙیوݨ چاہندے ہن انہاں کوں منایا تے لائسنس ݙیوے ، اساں سیلف میڈ لوک ہیسے۔
