اسلام آباد۔5جنوری (اے پی پی):کابینہ دی اقتصادی رابطہ کمیٹی چین توں حکومتی سطح تے 50 ہزارمیٹرک ٹن یوریا کھاددی درآمد تے درآمدی گݙیاں تے ٻیاں چیزاں تے پرٹیرف پالیسی بورڈ دی سفارشات دی منظوری ݙے ݙتی اے ، کابینہ دی اقتصادی رابطہ کمیٹی دااجلاس بدھ کوں اتھاں وفاقی وزیرخزانہ ومحصولات شوکت ترین دی زیرصدارت منعقد تھیا ۔اجلاس اچ وفاقی وزیرقومی غذائی تحفظ وتحقیق سید فخرامام،وزیرصنعت وپیداوارمخدوم خسروبختیار، وزیرتوانائی حماداظہر، وزیرنجکاری محمدمیاں سومرو، وفاقی وزیرآبی وسائل مونس الہیٰ، وزیراعظم دے مشیرتجارت وسرمایہ کاری عبدالرزاق داؤد، وفاقی سیکرٹریز اتے بئے سینئرافسران شرکت کیتی ۔اجلاس اچ وزارت تجارت ولوں درآمدی گاݙیاں تے بیاں چیزاں تے ٹیرف دی شرح کوں معقول بݨاوݨ دے حوالے نال سمری پیش کیتی ڳئی ، اے سمری وزارت صنعت وپیداوار اتے ٻئے شعبہ جات دی درخواستتے جمع کرائی ڳئی، اجلاس اچ ایں سمری داتفصیل نال جائزہ ڳھدا ڳئے تے کجھ تبدیلیاں دے نال ٹیرف پالیسی بورڈ دی سفارشات دی منظوری ݙتی ڳئی ۔
